||::||Mr~Hamada||::||
المدير العام
المساهمات : 19
تاريخ التسجيل : 05/02/2010
 |  موضوع: يوميات صعيدى بيحب بنات فرافير 1  الجمعة فبراير 05, 2010 6:18 am | |
|
السلام عليكم ورحمة الله وبركاته
أكيد اكتر الاعضاء بيعرفو قصه يوميات صعيدي بيحب بنات أستايل بس للأسف العضو يلي كان بيكتبها مش بيدخل المنتدي أكيد عنده ظروفه وربنا يوفقه فبمأني بعرفها حكمل القصه أنا يعني حنعمل أنا وساسو مسلسلات رمضان هنا في المنتدي ههههههههههه
أنا حنزل منها أول 3 حلقات لو حبيتو أكملها أنا مستعده وبعدها حنزل كل يوم حلقتين أو حلقه
ويارب القصه تعجبكوم
((الحلقه الاوله))
احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة
(اثناء ما المحاضرة شغالة ونور شغالة كتابة واحمد هيموت عشان مش معاه قلم)
احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك
(نور عشان رقيقة سكتت ومش عرفت ترد على بجاحة احمد وانتهت المحاضرة )
اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي
(نور بتحكي مع زميلتها من كلية تانية على احمد )
نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك
خلص اول يوم في الجامعة وقبل النهاية بدقايق
احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف
سابته ومشيت .....وقال
احمد: عليكي يا شيخة وعلى هالة وعلى الجامعة كلتها....وبرضه خطك زي الزفت
عاوزين تعرفوا اليوم اللي بعده حصل في ايه
تابعوا معايا باقى قصة حب احمد الصعيدي ونور البنت الاستايل
الحلقة التانية
وجه اليوم التاني....ولسة الحياة الجامعه لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها
وتعالوا نشوف الايام والحياة الجامعة هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف امام المدرج من 6 الصبح مش عارف ليه ونبتدي الحلقة التانية
احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح
كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو
احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين الدك....
وفجأة سمع صوت الدكتور بيناديله
التوقيع
=-=-=-=-=-=-=-=-=-=-=-=-=-=-=-=-=-=
مستشفي أمراض المنتدي { نلتقي لنرتقي }
=-=-=-=-=-=-=-=-=-=-=-=-=-=-=-=-=-=
لآضآق بـڪـ وقتـڪـ والـڪـل בֿـلآڪـ
ارفع يدينـڪـ للسمآء و اطلب اللـہ ••
Ḟar ĐrêaṂ متواجد حالياً أضافة تقييم إلى Ḟar ĐrêaṂ تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
Ḟar ĐrêaṂ
مشاهدة ملفه الشخصي
إرسال رسالة خاصة إلى Ḟar ĐrêaṂ
البحث عن المشاركات التي كتبها Ḟar ĐrêaṂ
إضافة Ḟar ĐrêaṂ إلى الإتصالات الخاصة بك
قديم 03-24-2009, 02:02 AM #3
Ḟar ĐrêaṂ
°• انسـانة بقلب طفلة ..~
الصورة الرمزية Ḟar ĐrêaṂ
الدولــة :
الجنـس :
Ḟar ĐrêaṂ is on a distinguished road
وقف الدكتور بكل ثقة...وبص على الطلبة كلهم
من بين كل الطلبة وقعت عينه على احمد وهو مكشر
الدكتور:مالك يابني مكشر من اول السنة ليه كده
احمد :لو سمحت معاك نمرة ماحمول العميد
الدكتور : ههههههههههه ايوة ليه
احمد : عاوز اقدم شكوى في البت دي
نور :متقولش بت
احمد :هقول بت وستين بت كمان قومي يلا
الدكتور : بس بقى اخرس شوية يا اما هطردك
احمد : انا ...تطردني ليييييييه هاتلي مكان سعادتك
الدكتور : تعالى اعد جنبي هنا على الكرسي ده
احمد : وااه...اقعد جنبك مرة واحدة يا داكتووور
الدكتور :ايوة تعالى
وهو نازل راح وقع الكتاب بتاع نور ورمى اقلامها
راحت نور ضربته على ضهره..قال ااااااااااااه
وصوته سمع المدرج كله والكل فضل يضحك عليه
الدكتور : اطلع برا يلا...مش هتحضر المحاضرة
احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس
وهو خارج رمى عينه على نور ولمح فيها نظرة عطف جميلة
بعد ما المحاضرة انتهت...نور خرجت لأ حمد
نور :بجد انا اسفة اوووي
احمد : على ايه بقى ما المحاضرة خلاص
نور : خد المحاضرة بتاعتي انقلها وانا هستناك
احمد : بجد بتتكلمي بجد
نور : ايوة مع انهم اكتر من عشر صفحات بس هستناك
احمد : متشكر يا مازمازيل نورة
نور : لأ قول نور بس احنا اصدقاء وابتسمت ومشيت
احمد عمال ينقل وعمال يقول في سره...خطها زي الزفت
بس شكلها طيبة جوي....الخط مش كل حاجة في الانسان يعني
احمد لمح نور وهي جاية وبتبتسم بخجل
نور : احمد انت خلصت المحاضرة
احمد : لأ لسة انا في اول صفحة مش عارف اقرا الكلمة دي
نور قرت الكلمة
نور : اوكي كمل انا هستناك
احمد :لا لا انتي لازم تروحي دلوقتي عشان انتي اتأخرتي خالص
نور : طيب والمحاضرة
احمد : تتحرج المحاضرة
نور ضحكت ضحكة رقيقة جدا حركت قلب احمد الاسد
احمد : ممكن اوصلك لحد الباب...والله لحد الباب بس
نور : اوكي اوكي مفيهاش حاجة اتفضل
احمد : انتي في الجامعة هنا من امتى
نور :ايه يا احمد انا في سنك لسة اول سنة
احمد : انا عارف انا عارف
احمد : وياترى دخلتي هنا واسطة ولا ايه
نور : هههههههههههههههههه ...احمد مالك في ايه
احمد : لا بهرج معاكي
نور : تعرف انك
احمد :اني ايه
نور : طيب اوووي
احمد : وانتي انسانة محترمة اه فعلا محترمة بجد
نور : ميرسي
احمد :يالهوي ياني انا منزلتش المحاضرة بتاعت النهاردة
نور : ميرسي يا احمد على التوصيلة الجميلة دي منك
احمد : انتي رايحة فييييييييييييييييين
المحاضرة
المحاضرة
المحاضرة
احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجماعة
جرس الباب بيرن...بيرن...خبط جامد....احمد قام مخضوض وبيفتح الباب وووفجأة
هاي..انا جارتك اللي ساكنة قصادك
احمد : طيب وانا اعمل ايه يعني جارتي ولا مش جارتي
تؤ...طيب قول صباح الخير..قول صباح النور..قول صباح اللي بتغني
احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي
انا ؟ ؟
احمد : امال امي
تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك
احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة
ايه ده ..انت بتروح الجامعة...انا بفتكرك في المدرسة
احمد : صبرني يارب صبرني ...جولي عاوزة ايه هتأخر على الجماعة
عندك حبة شطة
احمد : هاا...جلتي عاوزة ايه
شطة شطة....اللي بتخلي الاكل يوحوح
احمد : لا انا مش بحب اوحوح عن اذنك...وقفل الباب ولبس بسرررعة ونزل
ركب الاتوبيس
احمد : الاجرة بكام لو سمحت يا اخينا
رد شاب ستايل...ههههههههه ايه اخينا دي دي كلمة قديمة موت
احمد : ماشي يا عم الجديد....بكام الاجرة
الكمثري :بجنيه وبريزة يا كابتن
احمد : اشمعنى وبريزة
الكمثري : حكومة تقدر تتكلم
احمد : خد يا عم ونزلني عند الباب الرئيسي
احمد داااااااااخل بيجرررري....وهووووووب...خبط في بنت وقع عليها العصير
انت غبي ...انت مبتشوفش
احمد :هشششششششششش
انت قليل الادب مش محترم كمان
احمد : هسسسسسسسسسس
احمد : انا ورايا محاضرة مش فاضيلك انا خدي منديل
انا هوريك انا لازم ابهدلك
يا عمرو يا وائل يا هيثم
عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة
نور لمحت الخناقة من بعيد
نور : احمد احمد في ايه
احمد : ابعدي انتي يا نور ده تار قديم وهيخلص النهاردة
نور : احمد دي جامعة انت ممكن تتفصل
احمد : ومحضرش محاضرات تاني ؟
نور : ايوة ايوة انا هروح انده الامن
احمد : تندهي الامن يشيلوا جستي ولا ايه
وفجأة الامن جه والمشكلة اتحلت والحمد لله احمد خرج سليم
مع انه كان ادها وادود يعني بس خاف طبعا على مستقبله
احمد : متشكر يا نور جوي
نور : ده اقل واجب يعني
احمد : انتي عملتي الواجب صح
نور : واجب ايه يا احمد هو احنا في مدرسة
احمد : ههههههههههه اصلها فاكراني في المدرسة
نور : هي مين دي
احمد : اللي عاوزة الشطة
نور : انا مش فاهمة حاجة يا احمد
احمد : انتي بتحبي توحوحي
نور : هههههههههههههههههههه
احمد : هههههههههههههههههههه
نور: تعرف يا احمد ان دمك خفيف اوي
احمد : ربنا يخليكي انا مش بجدر على الكلام ده
نور : هو انا قلت حاجة يا احمد
احمد : ايوة دمي خفيف وحلو ومسمسم والكلام الكابير ده
نور : ههههههههههههههههههههههه
احمد : بتضحي على ايه عاد
نور : ههههههههههههههههههههههه
احمد : يوه يوه يوه
نور : المحضارة هتبتدي يا احمد يلا نحضر
احمد : ماتيجي نتمشى شوية في الحديقة وبلاش المحاضرة
نور : بجد ...طيب يلا
احمد : ال حديقة ال....يلا يا هانم نلحق المحاضرة انا حاجزلك جنبي
احمد دخل لقى اتنين اعدين مكانه هو ونور
ووووووووووووووووووووووووووو
نشوفكم الحلقة الجاي[b]
| |
|
